Fo sma ben go bai agu meti na wan srakt'oso. Ne a sraktiman aksi den wan fru wan: "Andre, san yu sabi fu agu?"
Andre piki: "Te mi e nyan en, mi e sribi moro switi èn mi e snorku leki wan agu."
"Anita, san yu e taki?"
Anita dyompo na loktu, a taki: "Mi e stofu en, mi e brabakoto en, mi e bori en èn mi e losi en."
"Anolei, san yu yere fu agu?"
Anolei taki: "Mi yere taki te yu e nyan en, ai opo soro na yu skin. Ma mi feni taki a de wan switi meti."
"Èn yu, Fatu?"
Fatu piki taki: "Te mi e nyan en, mi e kon moro fatu."
Dan den fo sma aksi a sraktiman ini wan sten: "So, san yu e denki fu agu?"
Dan a sraktiman taki: "Mi no e nyan agu, bikasi ai lolo ini en eigi tokotoko."
© Copyright 2002 SIL. All rights reserved worldwide.